बदलापूर घटनेच्या निषेधार्थ पनवेलमध्ये महाविकास आघाडीचे मूक आंदोलन*
• Ajit Adsule

 *बदलापूर घटनेच्या निषेधार्थ पनवेलमध्ये महाविकास आघाडीचे मूक आंदोलन*


*पनवेल: बदलापूर पूर्व येथील एका नामांकित शाळेत दोन चिमुरड्यांवर झालेल्या लैंगिक अत्याचार घटनेनंतर पालकांचा उद्रेक झाला होता. तेथील नागरिकांनी 10 तास बदलापूर रेल्वे स्थानकात ट्रॅकवर ठिय्या आंदोलन केले. यानंतर संध्याकाळी 6 च्या सुमारास पोलिसांनी लाठीचार्ज करत आंदोलकांना पांगवले. मात्र बदलापूरसह राज्यात होणार्या महिला अत्याचाराच्या घटनांच्या निषेधार्थ महाविकास आघाडीने आज पनवेलमधील छत्रपती शिवाजी महाराज चौक येथे मुक आंदोलन करण्यात आले. यावेळी कार्यकर्त्यांनी व नेत्यांनी तोंडाला तसेच हाताला काळ्या पट्ट्या लावून महायुती सरकारचा जाहीर निषेध केला.

पनवेल उरण महाविकास आघाडीचे अध्यक्ष व शिवसेना (उद्धव बाळासाहेब ठाकरे) पक्षाचे जिल्हा संपर्कप्रमुख बबनदादा पाटील, माजी आमदार बाळाराम पाटील यांच्या नेतृत्वाखाली हे आंदोलन पार पडले. यावेळी मा.नगराध्यक्ष जे.एम.म्हात्रे, काँग्रेसचे जिल्हाध्यक्ष सुदाम पाटील, राष्ट्रवादी शरद पवार पक्षाचे पनवेल जिल्हाध्यक्ष सतीश पाटील, काँग्रेसच्या ज्येष्ठ नेत्या निर्मला म्हात्रे, शेकापचे गणेश कडू, माजी नगरसेविका प्रीती जॉर्ज म्हात्रे, मा.नगरसेविका सुरेखा मोहोकर, मा.नगरसेवक गोपाळ भगत, रविंद्र भगत, शिवसेना (उद्धव बाळासाहेब ठाकरे) गटाचे उपजिल्हाप्रमुख रामदास पाटील, उपमहानगरप्रमुख रामदास पाटील, तालुकाप्रमुख विश्‍वास पेटकर,  शिवसेना महिला आघाडी शहरसंघटक अर्चना कुळकर्णी, शहरप्रमुख प्रवीण जाधव, अरुण ठाकूर, निखील भगत, पराग मोहिते, डॉ.अमित दवे, काशिनाथ पाटील, शशिकांत बांदोडकर, हेमराज म्हात्रे, नंदराज मुंगाजी, स्वाभिमानी रिपब्लिकन पार्टी ऑफ इंडिया पक्षाचे  जिल्हाध्यक्ष महेश साळुंखे, शेकाप कार्याध्यक्ष गौरव पोरवाल, मा.नगरसेवक शंकर म्हात्रे आदींसह महाविकास आघाडीचे पदाधिकारी कार्यकर्ते मोठ्या संख्येने उपस्थित होते. यावेळी एक चिमुकली भाजप सरकारचा निषेध करणारे फलक घेवून या आंदोलनात सहभागी झालेली पाहायला मिळाली.

Popular posts
मा.आमदार बाळाराम पाटील ह्यांना महाराष्ट्र विधानपरिषद उत्कृष्ट भाषण पुरस्कारासाठी निवड.. .
• Ajit Adsule
Image
ग्रामस्थांची घरे वाचवण्यासाठी बाळाराम पाटिल आक्रमक
• Ajit Adsule
Image
कर्जत ते पनवेल होणार, नवीन 5 स्थानके *
• Ajit Adsule
Image
जेएनपीटी बंदराबाहेर ८५०० कंटेनर परदेशात जाण्यापासून रखडले
• Ajit Adsule
Image
*खारघरमधील ज्वेलर्स लुटून गोळीबार करत पळ काढणारे दरोडेखोर ताब्यात* *पनवेल/प्रतिनिधी:* नवी मुंबईतील खारघर पोलीस ठाणे हद्दीत सेक्टर नं. ३५ येथे असलेल्या बी. एम. ज्वेलर्समध्ये ३ हेल्मेट परिधान केलेल्या अज्ञात चोरांनी ११ लाख ८० हजार रुपयांचा दरोडा टाकला होता. भरगर्दीच्या वेळी दुचाकीवरून आलेल्या या ३ चोरांनी ज्वेलर्स तर लुटलेच मात्र पळून जाताना आपल्याकडे असलेल्या बंदुकीने हवेत गोळीबार देखील केला होता. यानंतर परिसरात भयंकर खळबळ माजली होती. लागलीच दिनांक २९ जुलै रोजी याबाबत खारघर पोलीस ठाण्यात तक्रार दाखल करण्यात आली होती. घटनेचे गांभीर्य समजून नवी मुंबई पोलीस आयुक्त मिलिंद भारंबे, पोलीस सह आयुक्त संजय येनपुरे, अपर पोलीस आयुक्त दीपक साकोरे, पोलीस उप आयुक्त अमित काळे यांच्या मार्गदर्शनाखाली पोलीस पथकाने तपास सुरु केला. पोलीस पथकाने प्रथमतः घटनास्थळास तात्काळ भेट दिली. आरोपी येण्याच्या व जाण्याच्या मार्गावरील CCTV फुटेज मिळवले. या CCTV फुटेजची तब्बल ८ दिवस तपासणी करण्यात आली. त्यानंतर तांत्रिक तपासाव्दारे या गुन्हयात ४ आरोपींचा समावेश असल्याचे निष्पन्न झाले. लागलीच पोलिसांची विविध पथके सुरत, गुजरात उदयपुर, राजस्थान व रायगड जिल्हातील नेरळ, माथेरान या ठिकाणी आरोपींच्या मागावर रवाना झाली. अखेर पोलीस पथकाने रिझवान अलीशेख (वय २७ वर्षे) रा. सुरत, अझरुद्दीन हुसनोदीन शेख (वय २८ वर्षे) रा. सुरत, ताहा तनवीर परवेझ सिंधी (वय २१ वर्षे) रा. उदयपुर, राजस्थान आणि राजविर रामेश्वर कुमावत (वय २० वर्षे) रा. उदयपुर, राजस्थान या आरोपींना शिताफिने ताब्यात घेतले. यावेळी आरोपींची कसून चौकशी केल्यानंतर गुन्हयात वापरण्यात आलेली २ अग्निशस्त्रे, ३ जीवंत काडतुसे, गुन्हा करताना वापरलेली दुचाकी आणि चोरीस गेलेली मालमत्ता देखील नागपाडा - मुंबई येथुन हस्तगत करण्यात आली आहे. या आरोपींना १६ ऑगस्ट रोजी न्यायालयात हजर करण्यात आले. न्यायालयाने त्यांना दिनांक २२ ऑगस्ट पर्यंत पोलीस कोठडी सुनावली आहे. खारघर पोलिसांनी या किचकट गुन्ह्याचा योग्य तपास लावून सर्व मुद्देमाल हस्तगत करत चोरट्यांच्या मुसक्या आवळल्याने त्यांचे सर्वत्र कौतुक होत आहे.
• Ajit Adsule
Image