पनवेलमध्ये मोफत थायरॉईड तपासणी पनवेल, (ता .२६) नवरात्रीनिमित्त विविध मंडळांमार्फत नवरात्र उत्सवाचेआयोजन करण्यात येते. जे. एम. म्हात्रे चॅरिटेबल संस्थेच्या मार्फत या वर्षीश्रीक्षेत्र पंचायत मंदिर नढाळ, चौक येथे नवरात्र उत्सवाचे आयोजन करण्यात आले आहे.
यावर्षी संस्थेच्या माध्यमातून पनवेल, नवीन पनवेल आणि खांदा कॉलनी परिसरातील महिलांसाठी जे. एम. म्हात्रे चॅरिटेबल संस्था आणि दीपक क्लिनिकल लॅब्रोटरी यांच्या संयुक्त विद्यमाने महिलांसाठी मोफत थायरॉईड टेस्टचे आयोजन २६ सप्टेंबर २०२२ ते ४ऑक्टोबर २०२२ या दिवसात सकाळी १० ते सायंकाळी ७ या वेळेत दीपक क्लिनिकल लॅबोरेटरी, शॉप नंबर ४ वास्तू श्री सोसायटी, डॉ.नानासाहेब धर्माधिकारी उपजिल्हा रुग्णालय पनवेल समोर, पनवेल येथे आयोजित केले आहे.यावेळी तपासणी करणाऱ्या सर्व महिलांना विरोधी पक्षनेते प्रितम म्हात्रे अध्यक्ष असलेल्या जे. एम. म्हात्रे चॅरिटेबल संस्थेच्या माध्यमातून एक सेवाकार्ड भेट म्हणून देण्यात येणार आहे. त्यामध्ये ५० टक्केपर्यंत सवलतीच्या दरात रक्ततपासणी,उपजिल्हा रुग्णालयामध्ये दाखल निराधार गरजू रुग्णांना मोफत फळसेवा, माफक दरात एक्स-रे,O.P.G., E.C.G. सेवा, मोफत E-श्रम कार्ड नोंदणी, विविध शासकीय योजनांचे मार्गदर्शन, ना नफा ना तोटा तत्त्वावर रुग्णवाहिका सेवा या सेवेचा लाभ महिला आणि कुटुंबातील कोणीही सदस्य घेऊ शकतात, अशी माहिती प्रितम म्हात्रे यानी दिली.
या्वर्षी सुद्धा आमच्या जे. एम.म्हात्रे चॅरिटेबल संस्थेच्या माध्यमातून आम्ही महिलांच्याआरोग्याच्या दृष्टीने नऊ दिवस हा आरोग्य उत्सव साजरा करण्याचे नियोजन माजी नगराध्यक्ष जे. एम. म्हात्रे यांच्या मार्गदर्शनाखाली करत आहोत. प्रितम म्हात्रे, अध्यक्ष, जे. एम. म्हात्रे चॅरिटेबल संस्था
