बांधकाम व्यावसायिकाच्या फायदा साठी पनवेल येथील सार्वजनिक सुलभ शौचालय तोडले का?

पनवेल दि. ३० : पनवेल

शहरातील छत्रपती शिवाजी महाराज चौकाजवळील सार्वजनिक सुलभ शौचालय पनवेल पालिकेच्या वतीने तोडण्यात आले. मात्र हे सुलभ शौचालय तोडण्याची एवढी घाई का करण्यात आली आणि जर शौचालय तोडायचीच होती तर शौचालय रीपेरीग ठेकेदार ला बिल मिळण्यासाठी काढली का? असा सवाल विरोधी पक्षनेते प्रीतम म्हात्रे यांनी विचारला आहे.यापूर्वी देखील सभागृहात विरोधीपक्ष नेते प्रीतम म्हात्रे आणि नगरसेवकांनी छत्रपती शिवाजी महाराज चौकातील सुलभ शौचालय तोडू नये यासाठी आवाज उठवला होता. तसेच नागरिकांनी देखील हे सुलभ शौचालय चालू ठेवण्यासाठी सांगितले होते. मात्र पालिकेने आर्थिक देवाण-घेवाण मधून शौचालय तोडण्याचा घाट घातला.३० मार्च रोजी पनवेल मध्ये विरोधी पक्षनेते नसताना पालिकेने हे शौचालय तोडले. शहराच्या मध्यभागी असणारे हे शौचालय नागरिकांच्या उपयोगी पडत असे. एका बांधकाम व्यावसायिकाच्या फायद्यासाठी हे शौचालय पडले असल्याचा आरोप केला जात आहे.१९९८ मध्ये पनवेल नगरपालिका मार्फत सदर स्वच्छतागृह बांधण्यात आले आहे. पनवेल मध्ये सामान खरेदी करण्यासाठी व इतर कामांसाठी आलेल्या नागरिकांना हे सुलभ शौचालय सोयीचे ठरत होते. मात्र गेल्या २३ वर्षांपासून नागरिकांच्या सोयीचे ठरत असलेले शौचालय पालिकेने तोडल्याबद्दल नागरिक संतापव्यक्त करत आहेत.