संचालक मंडळाच्या बैठकीमध्ये भूखंड वाटपाची सोडत आयोजित करून त्याचे चित्रीकरण करणे अपेक्षित होते. तसेन केल्यामुळे भूखंड वाटपात पारदर्शकता राहिलेली नाही, असा ठपका ठेवण्यातआला. त्याचबरोबर भूखंड वाटपाची सोडत व्यवस्थापकीय संचालक व सहव्यवस्थापकीय संचालक यांच्या उपस्थितीत होऊन सुरुवातीस उलवा,सेक्टर २९ येथील भूखंड वर्षा प्रशांत ठाकूर यांना देण्यात आला होता. मात्र हा भूखंड घेण्यास भूधारकाने नकार दिल्याने कोणतेही सबळ कारण नसताना आणि निर्धारित भूखंड बदलून देताना सिडको संचालक मंडळाच्या ठराव क्रमांक१२१५९ अन्वये विहीत केलेली कोणतीही परिस्थिती उद्भवलेली नसताना, केवळ भूधारकाच्या विनंतीनुसार पुन्हा सोडत आयोजित करून भू धारकास उलवा,पुष्पक नोड येथील सेक्टर २६,भूखंड क्रमांक १ हा ३५७८० चौ. मी.क्षेत्रफळाचा भूखंड वाटप केला. भूखंड बदलून दिल्याने अर्जदाराचा अवाजवी फायदा झाल्याची शक्यता नाकारता येणार नसल्याचे नगरविकास विभागाने स्पष्ट केले आहे.
