खांदा कॉलनी च्या मराठा समाजाचा "खांदा" लागल्याशिवाय आरक्षणाचा लढा पूर्ण होऊ शकत नाही - संभाजीराजे छत्रपती

खांदा कॉलनी च्या मराठा समाजाचा "खांदा" लागल्याशिवाय आरक्षणाचा लढा पूर्ण होऊ शकत नाही - संभाजीराजे छत्रपती

मराठा क्रांती मोर्चा - रायगड तर्फे आयोजित राजेंची जनसंवाद यात्रा खांदा कॉलनी येथे रात्री ९:४५ वाजता पोहोचली. मराठा समाज महिला मंडळ यांनी राजेंचे औक्षण केले. सकल मराठा समाज खांदा कॉलनीच्या वतीने शाल व पुष्कहार घालून समाज बांधवांनी राजेंचे स्वागत केले. तसेच पनवेल महानगरपालिका विरोधीपक्ष नेते प्रितम म्हात्रे ह्यांनी सुद्धा राजे चे स्वागत केले., जनसंवाद दौऱ्यास पाच तास उशीर होऊन देखील मराठा समाज बांधवाची गर्दी कमी झाली नाही. खांदा कॉलनी च्या मराठा समाज बांधवानी डोक्यावर घातलेले भगवे फेटे व शिस्तबद्ध नियोजन याचे राजेंनी विशेष कौतुक केले. सकल मराठा समाज खांदा कॉलनीच्या आरक्षण लढ्याच्या चळवळीतील सहभागाबाबत खांदा कॉलनी च्या समाज बांधवांचा "खांदा" लागल्याशिवाय हा आरक्षणाचा लढा अपूर्ण असल्याचे सांगितले. या दौऱ्या वेळी सकल मराठा समाज खांदाकॉलनी व मराठा उद्योजक सारथी च्या लोगोचे अनावरण राजेंच्या शुभहस्ते झाले. या प्रसंगी रायगड जिल्हा समनव्ययक व खांदा कॉलनी तील मराठा समाज बांधव मोठ्या संख्येने उपस्थित होते.