पनवेल : मुंबई आणि नवी मुंबईनंतर आता पनवेलमध्येही करोनामुळे पहिला मृत्यू झाला आहे. 4 दिवसांपूर्वी या रुग्णाला कोरोनाची लागण झाल्याचे उघडकीस आले होते.
मृत झालेली व्यक्ती ही पनवेलमधील खारघर परिसरातील घरकुल वसाहतीत राहतं होती आणि पेशाने रिक्षा व्यवसाय करायची या ३३ वर्षीय व्यक्तीचा नवी मुंबई महानगरपालिकेतील रुग्णालयात उपचारादरम्यान मृत्यू झाला असून, करोनासोबत त्याचे डेंग्यूचेही रिपोर्ट पॉसिटीव्ह आले होते. कोरोनाची लागण झाल्याचे समोर आल्यानंतर या व्यक्तीच्या घरातील सदस्यांनादेखील देखरेखेखाली रुग्णालयात ठेवण्यात आले आहे.
पनवेलमध्ये करोनाचे एकूण १६ रुग्ण आढळून आले आहेत. त्यातील ४ रुग्ण हे खारघर परिसरात आढळून आले होते. अचानक झालेल्या मृत्यूमुळे परिसरात खळबळ माजली असून घरकुल वसाहतीलाही सील करण्यात आले आहे.
